برهکي څلور لارې هوايي پل ۵۰ سلنه او ځمکنی سړک ۸۵ سلنه بشپړ شوی
اقتصادي معاونیت خبر ورکړی چې په کابل کې د برهکي څلور لارې د هوايي پل جوړولو چارې ۵۰ سلنه او د ځمکې لاندې سړک د جوړېدو چارې ۸۵ سلنه بشپړې شوې دي.
د اقتصادي معاونیت د معلوماتو له مخې، دغه پروژه د کابل ښار د ترافیکي ستونزو د کمولو او د ښاري ترانسپورټ د اسانتیا لپاره پلې کېږي، چې ټولیز لګښت یې شاوخوا ۱.۵ میلیارده افغانۍ اټکل شوی دی.
سرچینه زیاتوي چې د پروژې مالي لګښت د حکومت له بودیجې ورکول کېږي او تمه ده چې د ۱۴۰۵ کال په لومړۍ نیمایي کې به بشپړه او ګټې اخیستنې ته وسپارل شي.
د برهکي څلور لارې هوايي پل او ځمکې لاندې سړک به د موټرو د تګ راتګ د تنظیم، د ترافیکي ګڼهګوڼې د کمېدو او د کابل ښار د ترانسپورټي شبکې د ښهوالي په برخه کې مهم رول ولري.
