په ایټالیا کې د پاکستاني وګړي لهخوا د سوځول شویو افغانانو جسدونه کابل ته ولېږدول شول
د کډوالو او راستنېدونکو چارو وزارت خبر ورکړی چې په ایټالیا کې د وژل شویو درېیو افغان کډوالو جس.دونه کابل ته لېږدول شوي دي.
د وزارت د خبرپاڼې له مخې، یاد افغان کډوال د تېرې جوزا میاشتې په ۱۱مه نېټه د یوه پاکستاني تبعه له لوري د شخصي دښم.نۍ له امله په یوه موټر کې سوځول شوي وو.
د قربانیانو جس.دونه د روانې اسد میاشتې په ۵مه او ۶مه نېټه افغانستان ته انتقال شوي دي.
سرچینه زیاتوي، وژل شوي کسان د بلخ، پروان او ننګرهار ولایتونو اوسېدونکي وو، چې عصمتالله، فضل امین او امجد صافي نومېدل.
کډوالو او راستنېدونکو چارو وزارت د قربانیانو له کورنیو سره ژوره خواخوږي څرګنده کړې او ویلي یې دي چې د دغه دردناکې پېښې د قربانیانو کورنیو ترڅنګ ولاړ دی.
وزارت همداراز له نړیوالې ټولنې غوښتي چې د افغان کډوالو وضعیت ته لا ډېره پاملرنه وکړي او د هغوی د خوندیتوب، قانوني حقونو او امنیت د تأمین لپاره اغېزمن اقدامات ترسره کړي.
د یادونې وړ ده چې د وزارت د معلوماتو له مخې، دغه پېښه د شخصي دښم.نۍ له امله رامنځته شوې وه او درې واړه افغان کډوال په یوه موټر کې خپل ژوند له لاسه ورکړ.
