عطاءالله عمري د اقتصادي همکاریو لپاره بلاروس ته تللی
د کرنې، اوبولګولو او مالدارۍ وزارت وايي، سرپرست وزیر عطاءالله عمري د ۱۳ کسیز پلاوي په مشرۍ بلاروس ته تللی دی.
وزارت زیاتوي، عمري به په دې سفر کې د افغانستان او بلاروس ترمنځ د اقتصادي او سوداګریزو همکاریو ګډ کمېسیون په دویمه غونډه کې ګډون وکړي.
ټاکل شوې افغان پلاوی د خپل پنځه ورځني سفر پر مهال له بلاروسي چارواکو سره د اقتصادي او سوداګریزو اړیکو پر پراختیا، دوهاړخیزو همکاریو او ګډو اقتصادي فرصتونو خبرې وکړي.
