هلمند کې له ۸۰ کلن سړي سره د ۸ کلنې نجلۍ د نکاح مخه ونیول شوه
د هلمند په نادعلي ولسوالۍ کې ځايي مسوولینو د یوې اته کلنې نجلۍ د جبري واده مخه نیولې ده.
د لومړنیو معلوماتو له مخې، ټاکل شوې وه چې دغه نجلۍ له یوه ۸۰ کلن سړي سره واده شي؛ خو ځايي مسوولینو په مداخله سره د نکاح ترسره کېدو مخه ونیوله.
تر اوسه د دې پېښې په اړه نور جزییات، لکه د کورنیو د غبرګون او د قضیې د راتلونکو قانوني اقداماتو په اړه، نه دي ورکړل شوي.
