شمالي کوریا د جاپان سمندر پر لور بالستیک توغندی وتوغاوه
د جنوبي کوریا او جاپان چارواکو ویلي، شمالي کوریا لږ تر لږه یو بالستیک توغندی د ختیځ سمندر، چې د جاپان سمندر په نوم هم یادېږي، پر لور توغولی دی.
د جنوبي کوریا پوځ ویلي، توغندی د سمندر پر لور توغول شوی، خو د هغه د ډول او واټن په اړه یې نور جزئیات نه دي ورکړي.
جاپاني چارواکو هم ویلي چې ښايي توغندی د دغه هېواد له ځانګړې اقتصادي سیمې بهر لوېدلی وي.
د توغندي توغول کېدل وروسته له هغې شوي چې شمالي کوریا د امریکا، جنوبي کوریا او جاپان په ګډو سمندري پوځي تمرینونو نیوکه کړې وه.
تر اوسه شمالي کوریا د وروستي توغندي په اړه رسمي څرګندونه نه ده کړې.
