د میلمهپالنې ښکلی انځور؛ سعودي کې ایراني حاجیانو ته تود هرکلی شوی
د سعودي عربستان د حج او عمرې رسمي حساب تېره ورځ یکشنبه په مکه کې د ایراني حاجیانو د تود هرکلي ویډیو خپره کړې ده.
په دې ویډیو کې لیدل کېږي چې ایراني حاجیان د ګلونو، ګلاباوبو او د ښه راغلاست د کڅوړو په وړاندې کولو سره هرکلی شوي، چې د مېلمهپالنې مثبت فضا یې انځور کړې ده.
دغه صحنې په ټولنیزو شبکو کې هم پراخ غبرګونونه راپارولي دي.
دا پرمختګ په داسې حال کې شوی چې د ایران د حج او زیارت سازمان مشر علیرضا رشیدیان مخکې د ۱۴۰۵ هجري قمري کال د حج مراسمو لپاره شاوخوا ۳۰ زره ایراني حاجیانو د لېږلو پلان اعلان کړی و.
د راپورونو له مخې، د وروستیو سیمهییزو ترینګلتیاوو او د تهران او ریاض ترمنځ د اړیکو د بدلونونو له امله د حج بهیر په اړه ځینې اندېښنې هم موجودې وې.
سره له دې، د سعودي عربستان له لوري د ایراني حاجیانو د رسمي هرکلي دا ډول صحنې د دواړو هېوادونو ترمنځ د مذهبي همکارۍ د ساتلو او د اړیکو د پیاوړتیا هڅو نښه بلل کېږي.
