سعودي او قطر پاکستان سره ۵ میلیارده ډالره مرسته کوي
نړیوالو رسنیو راپور ورکړی چې سعودي عربستان او قطر به پاکستان سره پنځه میلیارده ډالره مرسته وکړي.
په راپور کې ویل شوي، د دې مرستې موخه د پاکستان له لوري متحده عربي اماراتو ته د پور د تادیې اسانتیا برابرول دي.
راپور زیاتوي، دا پرمختګ داسې مهال کېږي چې اسلاماباد د روانې میاشتې تر پایه پورې متحده عربي اماراتو ته د ۳.۵ میلیارده ډالرو پور د تادیې لپاره چمتووالی نیسي.
