عراقچي بیجینګ کې له وانګ یي سره کتلي
د ایران د بهرنیو چارو وزیر سید عباس عراقچي د چین پلازمېنې بیجینګ ته په رسمي سفر کې له خپل چینايي سیال وانګ یي سره کتلي او د دواړو هېوادونو ترمنځ یې د لوړې کچې خبرې ترسره کړې دي.
د راپورونو له مخې، په دې لیدنه کې د تهران او بیجینګ ترمنځ د سیاسي، اقتصادي او ډیپلوماټیکو اړیکو پر پیاوړتیا، د سیمهییزو بدلونونو پر ارزونه او پر مهمو نړیوالو موضوعاتو د نظرونو تبادله شوې ده.
سرچینې وایي، دواړو لورو د متقابلو همکاریو پر پراختیا ټینګار کړی او دا یې د سیمهییز ثبات او اقتصادي همکارۍ لپاره مهم بللي دي. همداراز، په خبرو کې د نړیوالو تحولاتو پر اغېزو او د ګډو دریځونو پر همغږۍ هم بحث شوی دی.
د څارونکو په باور، دا لیدنه د ایران او چین ترمنځ د اړیکو د لا پراختیا په لړ کې مهم ګام ګڼل کېږي، چې کولای شي په سیمهییزو معادلو او نړیوالو سیاسي بدلونونو کې اغېزناک رول ولوبوي.
