لبنان کې د اسراییلو بریدونو ۲۴ ساعتونو کې ۱۰۰ کسان وژلي
پر لبنان د اسراییلو بریدونو په دوام، نړیوالو رسنیو راپور ورکړی چې یوازې په تېرو ۲۴ ساعتونو کې ۱۰۰ کسان وژل شوي دي.
د معلوماتو له مخې، په دغو بریدونو کې د ښځو، ماشومانو او روغتیايي کارکوونکو په ګډون ګڼ ملکي کسان وژل شوي، او د ټولو وژل شویو شمېر له دوو زرو کسانو اوښتی دی.
راپورونه ښيي، د ایران او امریکا ترمنځ له اوربند وروسته هم بریدونه زیات شوي او اسراییلو ځان د دغه اوربند برخه نه ده بللې.
بل لور ته، اسلاماباد کې د ایران او امریکا ترمنځ خبرې هم له شاوخوا ۲۱ ساعتونو وروسته بېپایلې پای ته رسېدلې او امریکايي پلاوی بېرته خپل هېواد ته ستون شوی دی.
