هندي سندرغاړې اشا بهوسلې مړه شوه
د هندي رسنیو د راپور له مخې، د دغه هېواد مشهوره سندرغاړې اشا بهوسلې د یکشنبې په ماسپښین مړه شوې ده. هغه د شنبې په شپه د ممبۍ په یوه روغتون کې د روغتیایي وضعیت د خرابېدو له امله بستر شوې وه.
د نوموړې زوی د هغې مړینه تایید کړې ده.
اشا بهوسلې د هند د وتلې سندرغاړې لتا منګېشکر خور وه. هغې په ۱۹۴۷ کال کې سندرې ویل پیل کړي وو او په شاوخوا ۲۰ هندي ژبو کې یې نږدې ۱۱ زره سندرې ویلي دي.
