پکتیا کې د درې کاله پخوانۍ وژنې تورن کس ونیول شو
د پکتیا امنیه قوماندانۍ وایي، یو کس چې درې کاله مخکې یې پروان کې د خپل تره د کورنۍ دوه غړي وژلي او څو نور یې ټپیان کړي وو، نیول شوی دی.
د یادې قوماندانۍ په وینا، دغه کس د پکتیا زرمت ولسوالۍ کې د امنیتي ځواکونو له لوري ونیول شو.
د معلوماتو له مخې، یاده پېښه درې کاله وړاندې د کورني تاوتریخوالي له امله رامنځته شوې وه.
چارواکي زیاتوي، نیول شوی کس به له لومړنیو څېړنو وروسته عدلي او قضایي ارګانونو ته وسپارل شي.
