د بحرین شیعه مشر د سعودي هغه ادعا رد کړه چې یمن مکه په نښه کړې
آیتالله شیخ عیسی قاسم، د بحرین شیعه مشر، د سعودي عربستان هغې ادعا په غبرګون کې رد کړې چې ګواکې سعودي ځواکونو د یمن انصارالله غورځنګ له لوري مکې مکرمې ته د برید هڅه شنډه کړې ده.
عیسی قاسم په یوه خپاره کړي پیغام کې ویلي، د یمن خلک او مشران پر دیندارۍ، مذهبي اصولو، له خدایه وېرې او الهي رضایت ته پر هیلهمندۍ پېژندل کېږي او دا ځانګړنې یې په ویناوو او کړنو کې هم څرګندې شوې دي.
هغه زیاته کړې، د دغو باورونو له مخې دا ډېره لرې ښکاري چې یمنیانو دې د مکې مکرمې او حرم امن پر وړاندې داسې اقدام کړی وي؛ ځکه د نوموړي په وینا، دا ډول عمل به د دغه سپېڅلي ځای له حرمت سره په ټکر کې وي.
تر دې وړاندې د یمن د عالي سیاسي شورا مشر مهدي المشاط هم د سعودي عربستان هغه ادعاوې بېاساسه بللې وې چې ګواکې یمن مکه مکرمې په نښه کړې ده.
المشاط ویلي وو چې دغه ادعاوې د عامه افکارو د راپارولو هڅه ده او ادعا یې کړې وه چې خلک د سعودي حکومت له واقعي سیاستونو خبر شوي دي.
