د بدخشان والي وایي د اسلامي نظام د ګډوډولو خوبونه به له ځان سره قبر ته یوسئ
د بدخشان والي مولوي محمداسماعیل غزنوي وايي، که د اسلامي امارت مخالفان د نظام او افغانستان د بېثباته کولو هڅه وکړي، خپلې موخې به ترلاسه نه کړي.
نوموړي دغه څرګندونې د اسلامي امارت د بیا واکمنېدو ورځې په مناسبت جوړې شوې مشاعرې او غونډې ته کړې دي.
غزنوي خپلو مخالفانو ته په خطاب کې ویلي، که څوک د اسلامي نظام او افغانستان د بېثباته کولو هڅې کوي، دا موخې به یې له ناکامۍ سره مخ شي.
هغه ټینګار کړی چې اسلامي امارت د هېواد د ثبات، امنیت او ملي حاکمیت ساتنې ته ژمن دی او د هر ډول ګواښ پر وړاندې به لازم اقدامات ترسره کړي.
د بدخشان والي دغه څرګندونې په داسې حال کې کړې چې په وروستیو کې په دغه ولایت کې د امنیتي پېښو او وسلهوالو فعالیتونو په اړه راپورونه خپاره شوي دي.
نوموړي په خپلو خبرو کې د اسلامي امارت د واکمنۍ د پنځم کال د پیل په مناسبت د هېواد د ثبات او امنیت پر ساتلو ټینګار کړی دی.
