د مشهد د بدرګې مراسمو کې د ۲۷ هېوادونو څه باندې ۴۷۰۰ بهرني مېلمانه ګډون کوي
د ایران اسلامي جمهوریت د خراسان رضوي ولایت د اسلامي امت د شهید مشر د بدرګې مراسمو ویاند ویلي، د مشهد مقدس د بدرګې په مراسمو کې د بهرنیو مېلمنو پراخ او کمساری ګډون شوی دی.
د نوموړي په وینا، د نړۍ له ۲۷ هېوادونو څخه له ۴ زره او ۷۰۰ څخه ډېر بهرني مېلمانه د اسلامي امت د شهید مشر د وروستي وداع په مراسمو کې د ګډون لپاره مشهد مقدس ته رسېدلي دي.
هغه زیاته کړې، د بېلابېلو هېوادونو د رسمي پلاوو، دیني عالمانو، سیاسي او فرهنګي شخصیتونو پراخ حضور د دغو مراسمو نړیوال اهمیت او د ایران اسلامي جمهوریت له ملت سره د بېلابېلو ملتونو د خواخوږۍ او درناوي څرګندونه کوي.
ټاکل شوې د اسلامي امت د شهید مشر د بدرګې مراسم نن له غرمې وروسته په ۲ بجو د مشهد مقدس په سپېڅلي ښار کې د ایران اسلامي جمهوریت د لوړپوړو چارواکو، دیني او فرهنګي شخصیتونو، د ګڼو هېوادونو د استازو او د خلکو په پراخ ګډون ترسره شي.
