د کرنې وزیر د لوړپوړي پلاوي په مشرۍ ترکمنستان ته سفر کړی
د کرنې، اوبولګولو او مالدارۍ وزیر مولوي عطاءالله عمري د یوه لوړپوړي دولتي پلاوي په مشرۍ ترکمنستان ته سفر کړی دی.
د کرنې وزارت د خبرپاڼې له مخې، په دغه پلاوي کې د کانونو او پټرولیم وزیر ملا هدایتالله بدري، د ټولګټو وزارت د اوسپنې پټلۍ مرستیال مولوي اسحق صاحبزاده، د افغانستان برېښنا شرکت لوی رییس ملا عبدالحق همکار او د اړوندو ادارو یو شمېر نور مسوولین هم شامل دي.
د سرچینې په وینا، د دغه سفر موخه له ترکمنستان سره د کرنې، انرژۍ، ترانسپورټ، اوسپنې پټلۍ او اقتصادي همکاریو پراختیا بلل شوې ده.
