لغمان کې د موټر چپه کېدو پېښه؛ یو کس مړ او ۲۷ ټپیان شوي
د لغمان مسوولین وایي، قرغیو ولسوالۍ په «مشکلي کمر» سیمه کې د یوه موټر چپه کېدو له امله یو کس مړ شوی او ۲۷ نور ټپیان دي.
د مسوولینو په وینا، پېښه نن سهار شاوخوا ۹ بجې هغه مهال رامنځته شوه چې له لوګر څخه د ننګرهار د کامې ولسوالۍ پر لور روان خاور وړونکی موټر چپه شو.
ټپیان د درملنې لپاره روغتیايي مرکز ته لېږدول شوي دي.
د پېښې علت تر اوسه نه دی په ډاګه شوی.
مسوولین له موټرچلوونکو غواړي چې د سفر پر مهال ترافیکي اصول رعایت کړي او د مسافرو خوندیتوب ته جدي پاملرنه وکړي.
