پاکستان له زندانونو ۳۰۷ افغان کډوال خوشې او هېواد ته راستانه شوي
د کډوالو او بېرته راستنېدونکو چارو وزارت ویلي، په روانه اوونۍ کې ۳۰۷ افغان کډوال د پاکستان له زندانونو خوشې او هېواد ته راستانه شوي دي.
د وزارت په وینا، له دغو کسانو څخه ۲۶۸ د تورخم او ۳۹ نور د سپینبولدک له لارې افغانستان ته داخل شوي دي.
مسوولین زیاتوي، یاد کسان په پاکستان کې د قانوني استوګنې اسنادو نه لرلو له امله نیول شوي وو او له خلاصون وروسته خپلو کورونو ته ستانه شوي دي.
