اتمر د آیتالله العظمي محمد اسحاق فیاض مړینه د افغانستان لپاره ستره ضایعه بللې
پخواني د بهرنیو چارو وزیر حنیف اتمر د نجف اشرف د ستر دیني مرجع حضرت آیتاللهالعظمي محمد اسحاق فیاض د وفات له امله ژوره خواشیني څرګنده کړې او د نوموړي مړینه یې د افغانستان او اسلامي نړۍ لپاره ستره علمي او معنوي ضایعه بللې ده.
حنیف اتمر په خپل پیغام کې ویلي چې د حضرت آیتاللهالعظمي محمد اسحاق فیاض د وفات خبر د ژور تأسف او خواشینۍ سبب شوی دی. د هغه په وینا، مرحوم آیتاللهالعظمي محمد اسحاق فیاض د اسلامي نړۍ له وتلو دیني او فقهي شخصیتونو څخه و، چې د خپل علمي ژوند په اوږدو کې یې د اسلامي علومو د ودې، د فقهي څېړنو د پراختیا او د دیني معارفو د پیاوړتیا لپاره ارزښتناک خدمتونه ترسره کړي دي.
اتمر زیاته کړې چې حضرت آیتاللهالعظمي محمد اسحاق فیاض د نجف اشرف په ستره علمي حوزه کې د افغانستان علمي او معنوي حضور په غوره توګه استازیتوب کړی او د خپل لوړ علمي مقام، ژورو فقهي آثارو او اغېزناکو علمي فعالیتونو له امله یې د اسلامي نړۍ د علماوو، محصلینو او دیني حلقو ترمنځ ځانګړی درناوی خپل کړی و.
هغه ویلي چې مرحوم آیتاللهالعظمي محمد اسحاق فیاض د څو لسیزو پرلهپسې علمي هڅو له لارې د دیني زدهکړو، تدریس او روزنې په برخه کې نه هېرېدونکي خدمتونه ترسره کړل او د اسلامي امت په فکري او علمي ډګر کې یې ارزښتناکه ونډه لرله.
حنیف اتمر د حضرت آیتاللهالعظمي محمد اسحاق فیاض مړینه د هغه کورنۍ، شاګردانو، مقلدانو، د افغانستان خلکو او ټولو ارادتمندانو ته ستره ضایعه بللې او د زړه له کومې یې تسلیت وړاندې کړی دی.
نوموړي د لوی خدای له درباره د حضرت آیتاللهالعظمي محمد اسحاق فیاض لپاره د جنت الفردوس، د الهي رحمت او مغفرت، او د هغه د کورنۍ او ټولو خواخوږو لپاره د صبر، زغم او استقامت دعا کړې ده.
