تمدن ټلوېزیون: د خپرونو د احتمالي بندېدو اندېښنه شته
تمدن ټلوېزیون په یوه خبرتیا کې ویلي چې د محرم الحرام د نهمې او لسمې ورځې د مراسمو له را رسېدو سره هممهاله، د یادې رسنۍ پر مرکزي دفتر د امنیتي ځواکونو له عملیاتو وروسته د خپرونو د احتمالي ځنډېدو یا بندېدو اندېښنه موجوده ده.
د ټلوېزیون د خبرتیا له مخې، ښايي په نږدې وخت کې د دغې رسنۍ خپرونې ودرول شي.
تمدن ټلوېزیون له خپلو لیدونکو او هېوادوالو غوښتي چې د موضوع اړوند معلومات د رسمي سرچینو له لارې تعقیب کړي او د راتلونکو تحولاتو په اړه باخبره پاتې شي.
تر اوسه د دې موضوع په اړه د اسلامي امارت د اړوندو ادارو رسمي وضاحت نه دی خپور شوی.
