افغان فوټسال لوبډلې دویمه پرلهپسې ماتې وخوړه
د افغانستان د فوټسال ملي لوبډلې د ۲۰۲۶ کانټیننټال سیالیو په دویمه لوبه کې ویتنام ته د ۲ ـ ۱ په پایله ماتې وخوړه.
دا د افغانستان لپاره په روانو سیالیو کې دویمه پرلهپسې ماتې ده.
ملي لوبډلې تر دې وړاندې خپله لومړۍ لوبه هم د کوربه هېواد تایلنډ پر وړاندې د ۶ ـ ۱ په پایله بایللې وه.
د ۲۰۲۶ کانټیننټال فوټسال سیالیو کې د افغانستان ترڅنګ د تایلنډ، ویتنام، روسیې او نیوزیلنډ ملي لوبډلې هم ګډون لري او سیالۍ په سیالیزه فضا کې روانې دي.
ټاکل شوې د افغانستان د فوټسال ملي لوبډله خپله درېیمه لوبه د راتلونکې چهارشنبې په ورځ د روسیې پر وړاندې ترسره کړي.
د لوبډلې مینهوال هیله لري چې افغان لوبغاړي به په راتلونکو سیالیو کې د غوره لوبې په وړاندې کولو سره مثبتې پایلې خپلې کړي.
