فوزیه کوفي: په کریپټو پانګونه مې کړې او له عوایدو مې بینز اخیستی
فوزیه کوفي، د پخواني حکومت د ولسي جرګې پخوانۍ غړې، په یوه تازه څرګندونه کې ویلي چې په «کرېپټو کرنسۍ» کې یې پانګونه کړې او له ترلاسه شوو عوایدو یې د بینز موټر اخیستی دی.
کوفۍ تر دې وړاندې هم ویلي وو چې په کابل کې یې د یوه کتاب له عوایدو کور اخیستی دی.
د نوموړې دغو څرګندونو په ټولنیزو رسنیو کې غبرګونونه راپارولي او یو شمېر کاروونکو د هغې د شتمنیو او پانګونو د سرچینو په اړه پوښتنې مطرح کړې دي.
ځینو منتقدانو هم ویلي چې د پخواني حکومت د ځینو چارواکو او سیاسي څېرو د شتمنیو او مالي سرچینو په اړه لا هم پوښتنې موجودې دي او د سرچینو روڼتیا باید روښانه شي.