کونړ کې ۱۳.۷۳ ټنه نفریت ډبرې په داوطلبۍ وپلورل شوې
د کونړ ولایت خاص کونړ ولسوالۍ په کلاول دویمه سیمه کې د ۱۳.۷۳ ټنه نفریت ډبرو د پلورلو داوطلبۍ، چې مخکې اعلان شوې وه، نن (سهشنبه) د کادستر او قراردادونو د تطبیق عمومي رییس عبدالرحمن رحماني په حضور کې ترسره شوه.
عبدالرحمن رحماني په مراسمو کې د سیمې شته ظرفیتونو او فرصتونو ته په اشاره، د پانګونې لپاره د مناسبو شرایطو برابرول او له نفریت ډبرو څخه اغېزمنه ګټه اخیستنه مهمه وبلله.
په داوطلبۍ کې یوه خصوصي شرکت د هر ټن نفریت ډبرې لپاره د یو میلیون او ۶۳۱ زره افغانیو وړاندیز کولو له امله ګټونکی اعلان شو.
