عبدالله: د افغانستان پرمختګ د افغانانو په یووالي او ګډې همغږۍ پورې تړلی دی
عبدالله عبدالله، د ملي مصالحې عالي شورا پخوانی رییس، د افغانستان خپلواکۍ بېرته ترلاسه کولو ۱۰۷مې کلیزې په مناسبت ویلي، د خپلواکۍ ورځې نمانځنه د افغانانو هغه بېشمېره سرښندنې او قربانۍ را یادوي چې خلکو د «ازادۍ، عدالت او برابرۍ» لپاره د مبارزې په لاره کې ورکړې دي.
نوموړي په خپله فېسبوک پاڼه کې د افغانستان خلکو ترمنځ پر یووالي، اتحاد او یو موټي کېدو ټینګار کړی او ویلي یې دي چې د هېواد د پرمختګ لپاره ګډه همغږي او یووالی اړین دی.
