کابل کې د الکولي مشروباتو کارخونه کشف او له منځه یووړل شوه
د کابل امنیې قوماندانۍ اړوند د ۱۵مې امنیتي حوزې ځواکونو په کابل ښار کې د الکولي مشروباتو یوه کارخونه کشف او له منځه وړې ده.
د کابل امنیې قوماندانۍ د رسنیو دفتر ویلي، چې د یادې کارخونې پر ضد عملیاتو کې څلور تنه مشکوک کسان نیول شوي دي.
سرچینې زیاته کړې، له نیول شویو کسانو سره ۲۰۰ بوتله الکولي مشروبات، د هغو د جوړولو وسایل او دوه موټر هم کشف او ضبط شوي دي.
د مسوولینو په وینا، نیول شویو کسانو په لومړنیو څېړنو کې پر خپل جرم اعتراف کړی دی.
