د هند غوره لیګ پایلوبه نن ترسره کېږي
د هند غوره لیګ د سږني پړاو پایلوبه نن ماښام د ګجرات ټایټنز او رایل چلنجرز بنګلور لوبډلو ترمنځ د احمداباد ښار په نریندرا مودي لوبغالی کې ترسره کېږي.
د افغان ستوري راشد خان اړوند ګجرات ټایټنز لوبډله به هڅه وکړي چې د سیالیو دویمه اتلولي خپله کړي، په داسې حال کې چې رایل چلنجرز بنګلور هم د بریا لپاره ډګر ته ښکته کېږي.
د معلوماتو له مخې، دواړو لوبډلو تر دې وړاندې یوازې یو ـ یو ځل د هند غوره لیګ اتلولي ګټلې او نننۍ پایلوبه به د دواړو لوبډلو ترمنځ د اتلولۍ لپاره مهمه او برخلیک ټاکونکې سیالي وي.
تمه کېږي چې د کرېکټ زرګونه مینهوال به په لوبغالي او میلیونونه نور به د نړۍ په بېلابېلو هېوادونو کې دغه ستره پایلوبه له نږدې تعقیب کړي.
