ایراني رسنۍ: ایران په اردن کې د امریکا پر یوې پوځي اډې توغندیز برید کړی
ایراني رسنیو راپور ورکړی چې د ایران اسلامي جمهوریت ځواکونو نن سهار په اردن کې د امریکا یوې پوځي اډې پر لور توغندیز برید ترسره کړی دی.
د تسنیم خبري اژانس د راپور له مخې، برید د سهار په لومړیو ساعتونو کې شوی او یاد اژانس ادعا کړې چې د توغندیو د شنډولو په اړه خپاره شوي راپورونه له واقعیت سره سمون نه لري.
بلخوا، د امریکا مرکزي قوماندانۍ (سېنټکام) ویلي چې ټول توغندي یې شنډ کړي او په دې برید کې نه مرګژوبله اوښتې او نه هم کوم مالي زیان رامنځته شوی دی.
د دواړو لورو د څرګندونو ترمنځ د ادعاوو د خپلواکې ارزونې امکان تر اوسه نه دی برابر شوی.
دا پېښه په داسې حال کې شوې چې په وروستیو ورځو کې د ایران اسلامي جمهوریت او امریکا ترمنځ مستقیم پوځي تنشونه کم شوي وو.
تر اوسه څرګنده نه ده چې دغه پرمختګ به د دواړو لورو پر راتلونکو ډیپلوماټیکو اړیکو او خبرو اترو څه اغېز ولري.
