کابل پوهنتون کې د عامې روغتیا جامع ازموینې درېیم پړاو پیلېږي
د ازموینو عمومي اداره نن په کابل پوهنتون کې د عامې روغتیا وزارت اړوند جامع ازموینې درېیم پړاو تحریري ازموینه اخلي.
د یادې ادارې ویاند ناصر خان شېرزي ویلي، په دې پړاو کې د انتاني ناروغیو، توبرکلوز، سینې داخلې، انستیزۍ، کوچنیانو داخلې، عمومي داخلې او جلدي څانګو ګډونوال شامل دي.
نوموړي زیاته کړې، د عامې روغتیا وزارت اړوند جامع ازموینه په څلورو پړاوونو کې تنظیم شوې او د وروستي، څلورم پړاو ګډونوالو بایومتریک معلومات به د چهارشنبې په ورځ ثبت شي.
د ازموینو عمومي ادارې په وینا، جامع ازموینه د عامې روغتیا وزارت اړوند بېلابېلو تخصصي څانګو ته د ګډونوالو علمي وړتیاوو ارزونې په موخه اخیستل کېږي.
