یوناما: کونړ کې په هوايي بریدونو کې لږ تر لږه ۳ ملکي وګړي وژل شوي
د افغانستان لپاره د ملګرو ملتونو مرستندویه پلاوي (یوناما) دفتر تایید کړې چې د دوشنبې په ورځ په کونړ ولایت کې هوايي بریدونو لږ تر لږه درې ملکي وګړي، یوه ښځه، یو سړی او یوه نجلۍ، وژلي دي.
یوناما ویلي، په دغو بریدونو کې څلور نور ملکي وګړي هم ټپیان شوي دي.
دغه سازمان زیاته کړې چې د ۲۰۲۶ کال له پیل راهیسې په افغانستان کې د پولې هاخوا وسلهوالو نښتو او بریدونو له امله تر ۱۱۰۰ ډېر ملکي وګړي وژل شوي یا ټپیان شوي دي.
