د ټېسټ لوبې د دویمې ورځې لومړۍ برخه پای ته ورسېده
د افغانستان او هند ترمنځ د روانې ټېسټ سیالۍ د دویمې ورځې لومړۍ برخه د افغان توپاچوونکو د اغېزمنې لوبې په ترڅ کې پای ته ورسېده.
افغان لوبډلې په دې پړاو کې ښه توپاچونه وکړه او د هندۍ لوبډلې درې نور لوبغاړي یې هم وسوځول. د لوبې تر دې دمه هندۍ لوبډلې ۴۷۵ منډې جوړې کړې او شپږ لوبغاړي یې له لاسه ورکړي دي.
د افغانستان له لوري محمد سلیم ساپي تر ټولو بریالی توپاچوونکی و، چې څلور ویکټې یې ترلاسه کړې دي. همداراز ضیاالرحمن شریفي او حشمتالله شهیدي هم یوه ـ یوه ویکټه اخیستې ده.
سیالي لا روانه ده او افغان لوبډله هڅه کوي د هند پاتې لوبغاړي ژر وسوځوي او د لومړۍ پاڼۍ د منډو بهیر محدود کړي.
