سعودي له امریکا وروسته؛ د حوثي بریدونو د مخنیوي لپاره له بریتانیا مرسته غواړي
سعودي عربستان له امریکا وروسته، د حوثیانو د بریدونو مخنیوي او خپلې خاورې ته د احتمالي ګواښونو کمولو په موخه، له بریتانیا څخه د مرستې غوښتنه کړې ده.
د بلومبرګ د راپور له مخې، ریاض له لندن غوښتي چې د حوثیانو پر وړاندې د مبارزې، بابالمندب تنګي د خوندي ساتلو او د سعودي د تېلو تاسیساتو د امنیت په برخه کې همکاري وکړي.
سعودي عربستان تر دې وړاندې هم له امریکايي ولسمشر ډونالډ ټرمپ غوښتي وو چې پر حوثیانو هوايي بریدونه وکړي، خو د راپورونو له مخې، ټرمپ دغه غوښتنې نه وې منلې.
بلومبرګ ویلي، د بریتانیا لومړی وزیر انډي برنهام لا هم د سعودي د پوځي مرستې غوښتنه ارزوي، خو له ریاض سره یې د همکارۍ لپاره د بریتانوي پوځي سلاکارانو د استولو هوکړه کړې ده.
دا غوښتنه وروسته له هغې مطرح شوې چې د سعودي په مشرۍ ائتلاف د حوثیانو له لوري د توغندیزو او بېپیلوټه الوتکو د بریدونو خبر ورکړی دی.
لندن بابالمندب د نړیوال سمندري ترانسپورټ او اقتصاد لپاره یوه مهمه او حیاتي لار بولي.
