غزني کې د نږدې ۶ زره زدهکوونکو ترمنځ د عقایدو سیالۍ پیل شوې
د غزني پوهنې ریاست او الکوثر فکري او فرهنګي ادارې په ګډه، د ولایت مرکز او ۱۵ ولسوالیو کې د ۵۸۰۰ زدهکوونکو ترمنځ د عقایدو په برخه کې علمي سیالۍ پیل کړې دي.
د غزني پوهنې ریاست مسوولین وایي، د دغو سیالیو موخه د زدهکوونکو علمي وړتیاوو لوړول او د دیني زدهکړو د لا پیاوړتیا لپاره زمینه برابرول دي.
د مسوولینو په وینا، د سیالیو له پای ته رسېدو وروسته به ۱۰ غوره ګډونوالو ته بېلابېلې جایزې ورکړل شي.
