چین او روسیې د افغانستان د ثبات او پرمختګ پر ملاتړ ټینګار وکړ
چین او روسیې په یوه ګډه اعلامیه کې د افغانستان د دوامدار ثبات، امنیت او پرمختګ ملاتړ څرګند کړی او ویلي یې دي چې د دې هدف لپاره به خپلې دوهاړخیزې او څو اړخیزې همغږۍ ته دوام ورکړي.
هغه ګډه اعلامیه چې په پاکستان کې د چین سفارت خپره کړې، ټینګار کوي چې د افغانستان د سیاسي وضعیت د مدیریت او سیمهییز ثبات لپاره د سیمهییزو همکاریزو چوکاټونو رول مهم او اغېزناک دی.
چین او روسیې همداراز چمتووالی ښودلی چې له افغانستان او پاکستان سره د دواړو هېوادونو ترمنځ د شته اختلافونو د حل لپاره مرسته وکړي، څو ستونزې د خبرو، ډیپلوماسۍ او متقابل تفاهم له لارې هوارې شي.
اعلامیه زیاتوي چې سیمهییزه سوله، امنیت او اقتصادي همکاري د ګډې ودې اساسي شرطونه دي او افغانستان د خپل مهم جغرافیایي موقعیت له امله د دغو همکاریو په پیاوړتیا کې مهم رول لري.
