کابل کې د یوه ناروغ له معدې شاوخوا ۳۰ مېخونه وایستل شول
د شهید سردار محمد داوود خان ۴۰۰ بستریز روغتون مسوولین وایي، د اندوسکوپي څانګې متخصصانو د یوه ناروغ له معدې شاوخوا ۳۰ مېخونه په بریالیتوب ایستلي دي.
د روغتون په وینا، عصمتالله نومي ناروغ شاوخوا ۳۰ مېخونه تېر کړي وو.
د اندوسکوپي طبي ټیم د پرمختللو وسایلو او مسلکي وړتیا په کارولو سره ټول مېخونه له معدې څخه ایستلي دي.
د روغتیايي ټیم په خبره، ناروغ اوس تر طبي څارنې لاندې دی او روغتیايي کارکوونکي هڅه کوي چې د پرمختللو امکاناتو په کارولو سره هېوادوالو ته پر وخت، خوندي او معیاري روغتیايي خدمتونه وړاندې کړي.
