وینزویلا کې د زلزلې د قربانیانو شمېر نږدې ۳ زرو ته ورسېد
د وینزویلا چارواکو اعلان کړی چې په دغه هېواد کې د وروستیو زورورو زلزلو له امله د مړو شمېر ۲ زره او ۶۴۵ تنو ته رسېدلی او له ۱۲ زرو څخه ډېر کسان ټپیان شوي دي.
د چارواکو په وینا، دغو زلزلو زرګونه کورنۍ بېځایه کړې دي او لا هم ګڼ کسان د ویجاړو شویو ودانیو تر خاورو لاندې بند پاتې دي، له همدې امله د مرګژوبلې د لا زیاتېدو اندېښنه شته.
یادې زلزلې، چې د ریښتر په کچه ۷.۲ او ۷.۵ درجې وې، د تېرې جون میاشتې په ۲۴مه رامنځته شوې او ورسره په هېواد کې بېړنی حالت اعلان شو. وینزویلا یو ځل بیا له نړیوالو مرستندویه ادارو غوښتي چې د ژغورنې او بشري مرستو په برخه کې خپلې همکارۍ ته دوام ورکړي.
