کابل کې د سرغړونو له امله ۱۲۸ درملتونونه تړل شوي دي
د عامې روغتیا وزارت وایي، روان کال د زمري میاشتې په ترڅ کې یې کابل ښار کې له ۷۲۱ درملتونونو څخه څارنه او پلټنه کړې ده.
وزارت نن چهارشنبه په یوه خبرپاڼه کې ویلي، د دغو پلټنو پر مهال ۲۲ درملتونونه د قانوني اسنادو نشتوالي، څلور د خپلسري انتقال، ۲۰ د تخنیکي مسوول نه لرلو او ۳۴ نور د درملو پر بیو د سټیکر نه لګولو له امله تړل شوي دي.
خبرپاڼه زیاتوي، ۴۸ درملتونونه د GSK شرکت د درملو د موجودیت له امله هم تړل شوي او ۷۰۸ قلمه درمل، چې پکې د یاد شرکت درمل او قاچاقي درمل شامل دي، راټول شوي دي.
وزارت وایي، راټول شوي درمل د له منځه وړلو لپاره ټاکلي ځای ته انتقال شوي دي.
