خلیلزاد اسلاماباد «کانټینراباد» وباله
زلمی خلیلزاد، د افغانستان لپاره د امریکا پخوانی ځانګړی استازی، په اسلاماباد کې د تګ راتګ محدودیتونو او د مهمو لارو تړل کېدو په غبرګون کې د دغه ښار پر وضعیت نیوکه کړې ده.
خلیلزاد د الجزیرې یو راپور په اېکسپاڼه کې بیا خپور کړی او اسلاماباد یې «کانټینراباد» بللی دی.
هغه ویلي، د پاکستان خلک تر دې ښه وضعیت مستحق دي.
الجزیرې راپور ورکړی چې د اسلاماباد د مهمو لارو تړل کېدو له امله تګ راتګ ګډوډ شوی او د بار وړونکو موټرو چلوونکي هم له مالي زیانونو سره مخ شوي دي.
د لارو د بندېدو له امله د خلکو ورځني فعالیتونه او د توکو لېږد هم له ستونزو سره مخ شوي دي.
