سپین غر بست ساتونکو ته په ماتې ورکولو پایلوبې ته ووت
د خوست په کوربتوب د شپږیزې کرکټ لیګ په روانو سیالیو کې سپین غر لوبډلې بست ساتونکو ته ماتې ورکړه او پایلوبې ته یې لار ومونده.
ټاکل شوې چې سپین غر به سبا د اتلولۍ په پایلوبه کې د امو نهنګانو پر وړاندې ډګر ته ښکته شي.
د سپین غر ځوان چټک توپاچوونکی زیتالله شاهین د غوره توپاچونې له امله د سیالۍ د غوره لوبغاړي جایزه ترلاسه کړه. دغه بریا سپین غر د روانې شپږیزې لیګ د اتلولۍ یو ګام ته نږدې کړې ده.
